«Հայրաքաղաք» դաշինք

«Հայրաքաղաք» դաշինքն (Ռամկավար ազատական կուսակցություն եւ Ժառանգություն կուսակցություն) ունի 28 թեկնածու: Ցուցակը գլխավորում է անկուսակցական, Գյումրու գործող ավագանու անդամ, ժուռնալիստների «Ասպարեզ» ակումբ հասարակական կազմակերպության ծրագրերի ղեկավար Լեւոն Բարսեղյանը: Ցուցակում են նաեւ «Դպիր» հրատարակչության հիմնադիր, Ռամկավար ազատական կուսակցության ատենադպիր, ՌԱԿ անդամ Հովիկ Կարապետյանն ու Գյումրու ավստրիական մոր ու մանկան հիվանդանոցի բժշկուհի, «Ժառանգություն» կուսակցության անդամ Հասմիկ Պետրոսյանը:

Ցուցակում են ընդգրկվել «Ժառանգություն» կուսակցության Շիրակի մարզի կառույցի ղեկավար, Շիրակի պետական համալսարանի դասախոս Վահագն Ղուկասյանը, Ռամկավար ազատական կուսակցության անդամ, անհատ ձեռներեց Մարինա Բազաեւան, «Ժառանգություն» կուսակցության անդամ, Գյումրու թիվ 9 հիմնական դպրոցի ուսուցիչ Եղիշե Շարյանը, հոգեբան, անկուսակցական Արմինե Գմյուրը, անկուսակցական, Գյումրի Քոմերշլ Սենթր ՍՊԸ գլխավոր հաշվապահ Արարատ Հարությունյանը, անկուսակցական, Գյումրու ավագանու անդամ երաժիշտ Արամ Խաչատրյանը, Ռամկավար ազատական կուսակցության անդամ, Հայորդյաց տուն խմբի ղեղկավար, դերասան Վաղարշակ Ասատրյանը, նույն կուսակցության անդամ, Գյումրու թիվ 26 ավագ դպրոցի ուսուցչուհի Կարինե Մկրտումյանը, «Ժառանգություն» կուսակցության անդամ, Բագրավանի միջնակարգ դպրոցի հաշվապահ Հասմիկ Նախշքարյանը, անկուսակցական, «Ազգ» թերթի թղթակից, լրագրող Գեղամ Մկրտչյանը, «Ժառանգություն» կուսակցության անդամ, ՇՊՀ ուսանող Գրիգոր Թումանյանը եւ այլք: