«Բալասանյան դաշինք»

«Բալասանան դաշինք» սոցիալական կուսակցությունն ունի ավագանու 42 թեկնածու: Ընտրական ցուցակը գլխավորում է Գյումրի համայնքի «Գյումրու կոմունալ ծառայություն» համայնքային բյուջետային հիմնարկի տնօրենի պաշտոնակատար Վարդգես Սամսոնյանը: Երկրորդ տեղում է Գյումրի համայնքի ղեկավարի տեղակալ, անկուսակցական Հայկ Սուլթանյանը, երրորդ տեղում «Գյումրի գարեջուր» ՍՊԸ փոխտնօրեն, Գյումրու քաղաքապետի առաջին տեղակալ Ռուբեն Սանոյանի դուստրը` Լուսինե Սանոյանը:

Ցուցակում են նաեւ Գյումրու գործող ավագանու անդամ, անկուսակցական Մխիթար Սահակյանը, «Գազպրոմ Արմենիա» ՓԲԸ ճարտարագետ-չափագետ, անկուսակցական, Գյումրու ավագանու գործող անդամ Վահան Հունանյանը, անհատ ձեռներեց Արուսյակ Հովհաննիսյանը, «ՌՏ թրեյդինգ» ՍՊԸ տնօրեն, Գյումրու ավագանու անդամ Տիգրան Հովհաննիսյանը, «Շիրակ» օդանավակայան («Արմենիա միջազգային օդանավակայաններ» ՓԲԸ) ՎՔՆ ծառայության վերահսկիչ Թորգոմ Համբարձումյանը, «Գյումրի գարեջուր» ՍՊԸ հաշվետար Նարիա Պողոսյանը, «Գյումրի գարեջուր» ՍՊԸ հավաքակայանի վարիչ Գեւորգ Պասկեւիչյանը, «Նովոստրոյ» ՍՊԸ տնօրեն Խաժակ Վարաժյանը, Գյումրու պետական սիմֆոնիկ նվագախումբ ՊՈԱԿ-ի տնօրեն, անկուսակցական, ՀՀ մշակույթի վաստակավոր գործիչ, հանգուցյալ Հասմիկ Կիրակոսյանի դուստրը` Սոնա Հովհաննիսյանը, Գյումրու համայնքապետարանի աշխատակազմի ֆիզկուլտուրայի և սպորտի բաժնի պետ Մեխակ Ղազարյանը, Գյումրու համայնքապետարանի աշխատակազմի գովազդի, առևտրի և սպասարկման ոլորտի համակարգման բաժնի պետի տեղակալ Ռոբերտ Անդրիասյանը, Գյումրի համայնքի ղեկավարի մամուլի քարտուղար Սոնա Առաքելյանը, Գյումրու համայնքապետարանի աշխատակազմի բյուջեի եկամուտների հավաքագրման բաժնի առաջատար մասնագետ Արամ Շաբոյանը, Գյումրու համայնքապետարանի աշխատակազմի քարտուղար Կարեն Բադեյանը, Գյումրու թիվ 27 միջնակարգ դպրոցի մանկավարժ Անի Ավդալյանը, «Անի պարտեզ» ՀՈԱԿ տնօրենի պաշտոնակատար Արփենիկ Արաքչյանը, «Ծիածան» մանկապարտեզի մեթոդիստ Մելանյա Մկրտչյանը, «Լուսաստղիկ» մանկապարտեզի տնօրենի պաշտոնակատար Լիլիթ Ավետիսյանը եւ այլք: